Сүүлийн үед иргэдийн үнэт цаасны данс нээлгэх хүсэлт нэмэгдсэнтэй холбогдуулан “Монголын хөрөнгийн бирж” ТӨХК-ийн гишүүн үнэт цаасны компаниуд ачаалал ихтэй ажиллах болсон ба үнэт цаасны данс нээхэд ашиглагддаг дэд бүтэц болох систем /MIT-CSD/ нь зөвхөн ажлын өдрүүдэд ажилладаг. Иргэд болон гишүүн үнэт цаасны компаниудын зүгээс амралтын өдрүүдэд тус системийг ажиллуулах хүсэлт манай компанид ирүүлсэн болно. Энэхүү хүсэлтийг үндэслэн манай компани шуурхай ажиллаж, системийн аюулгүй болон тасралтгүй ажиллах боломжийг хангаж чадсанаар амралтын өдрүүдэд ажиллах боломжтой боллоо.
Амралтын өдрүүдэд үүсгэсэн үнэт цаасны данс дараа долоо хоногийн Мягмар гарагт идэвхжих бөгөөд, тус өдрөөс эхлэн арилжаанд оролцох боломжтой болох юм. Дэд бүтэц болон системтэй холбоотой асуудлыг 310520 /4111, 4114, 4115/ дугаарын утсаар тодруулна уу.
МОНГОЛЫН ХӨРӨНГИЙН БИРЖ