Монголын хөрөнгийн биржийн 1 дүгээр ангилалд бүртгэлтэй “Мах импекс” ХК нь үйлчилүүлэгчдийнхээ дунд явуулсан судалгаандаа үндэслэн олон улсын чанар аюулгүй байдлын стандартад нийцсэн орчинд ХБНГУ-ын “Multivac”, “Textor” компаниудын сүүлийн үеийн савалгааны тоног төхөөрөмжийг суурилуулж, ашиглалтад оруулжээ.
Тус савалгааны үйлдвэрийн онцлог нь мах махан бүтээгдэхүүнийг хэрэглэгчдийн хэрэглээнд нийцсэн олон төрлөөр зүсдэг ба Монгол анх удаа нэвтрүүлж байгаа хийн савалгааны технологи нь бүтээгдэхүүний хадгалах хугацааг 40-60 хоног уртасгадгаараа онцлог юм.
“Мах импекс” ХК одоо ISO 22000 чанарын удирдлагын тогтолцоог нэвтрүүлэхээр ажиллаж байгаа бөгөөд ингэснээр бүтээгдэхүүнээ экспортлох улсын тоо болон бүтээгдэхүүний хэмжээг нэмэгдүүлэх боломжтой болох юм.
МОНГОЛЫН ХӨРӨНГИЙН БИРЖ