Монголын хөрөнгийн биржид бүртгэлтэй хувьцаат компаниуд нь Компанийн тухай хууль /КТХ/-ийн 59 дүгээр зүйлд заасны дагуу Хувьцаа эзэмшигчдийн ээлжит хурлаа санхүүгийн жил дууссанаас хойш дөрвөн сарын дотор буюу жил бүрийн 5 дугаар сарын 1-ний өдрөөс өмнө зарлан хуралдуулах үүрэгтэй байдаг.
2017 оны 3 дугаар сар 13 өдрийн байдлаар 57 компани хурлаа зарласан мэдэгдлээ ирүүлээд байгаа ба КТХ-ийн 60-р зүйлд зааснаар Төлөөлөн удирдах зөвлөлөөс хувьцаа эзэмшигчдийн ээлжит хурлаа зарлан хуралдуулах тухай ТУЗ-ийн шийдвэр гаргах боломжит хугацаа 2017 оны 3 дугаар сар 21 өдрөөр дуусахаар байгаа тул бүртгэлтэй компаниуд яаралтай ТУЗ-ийн хурлаа хийж Хувьцаа эзэмшигчдийн ээлжит хурлаа зарлан хуралдуулна уу.
МОНГОЛЫН ХӨРӨНГИЙН БИРЖ