Монголын Хөрөнгийн Биржийн нэгдүгээр ангилалд бүртгэлтэй "МИК Холдинг" ХК 2022 оны эхний хагас жилийн санхүү, үйл ажиллагааны тайлангаа танилцууллаа.

Тайлант хугацаанд:

• “Өэлүн” бондыг төлсөнтэй холбоотойгоор нийт активын хэмжээ өнгөрсөн оны мөн үеэс 8.8 хувиар буурч, 2022 оны 6 дугаар сарын 30-ны өдрийн байдлаар 3,853.6 тэрбум төгрөгт хүрсэн байна.

• Компанийн зах зээлийн үнэлгээ 287.4 тэрбум төгрөгт хүрчээ.

• Төрөөс хэрэгжүүлж буй орон сууцны ипотекийн зээлийн үндсэн болон хүүгийн төлбөрийг 2022 оныг дуустал хүү хуримтлуулж тооцохгүйгээр хойшлуулсантай холбоотойгоор нийт 82.9 тэрбум төгрөгийг бонд эзэмшигчдэд тусгай зориулалтын компанийн нөөц сангаас төлсөн байна. 

"МИК Холдинг" ХК нь орон сууцны санхүүжилтийн экосимтемийг бий болгох алсын хараа, эрхэм зорилгын төлөө 16 дахь жилдээ үйл ажиллагаа явуулж байгаа бөгөөд өнгөрсөн хугацаанд 90 мянга гаруй айл өрх урт хугацаатай ипотекийн зээлд хамрагджээ.

Дэлгэрэнгүйг энд дарж үзнэ үү. 

МОНГОЛЫН ХӨРӨНГИЙН БИРЖ